هو انس ... ولا جن ؟
ولا خليط من الاتنين يجن
حاوي وفى جرابه ياما وياما
فقير ومديون وغلاباوي
وحسابه فى البنوك عالى عالى
ساعه وسيم ومتأنتك
وفى لمحة عين
تشوف عيونه من كتر العماص بتقفل
اديب ومحترم وكلامه يوزن بلد
وبعد ساعه ينكر ويشجب ويقول
دي خرافة مالهاش بلد .......
ساب العلم ولا هو اللى سابه
ولا دا عالم جهبذ فريد من ترازه
هو انت مين ؟؟؟؟؟؟؟؟؟
غريب ... ولا قريب ... ؟؟؟؟؟
صبي صغير .... ولا من زمان عايش ؟
ولا اقولك بلاش ترد
اصلك زي ماعندكش رد
ومش مهم انس ولا جن
اهو كلها حاجة تجن
ليست هناك تعليقات:
إرسال تعليق