كلنا اصحاب البيت

زمااااااااااااان كانت مصر بها قدماء المصريين وكانوا لديهم الله متعدده تارة ويوحدونها تارة







وقد اتي على مصر العديد من الانبياء يدعون الى توحيد الله عز وجل ومرت عصور كثيرة على ام الدنيا الى ان دخلت الديانة المسيحية مصر , طبعا كان اهل مصر يعتنقون اهله كثيرة ومنهم من رحب بديانة التوحيد وقت ذاك وهي المسيحية واعتنقها ومع مر السنين اصبحت مصر مسيحية ودخل الكثير فى تلك الديانة السماوية .






يعني اهل مصر اللى كانوا لديهم تعدد الهه ربنا هداهم واعتنقوا ديانة سماوية " طبعا بدون الدخول فى تفاصيل الديانة وقتها "






وتعدي السنين والعصور ويأتي دين الله الواحد وهو الاسلام وينتشر بين البلاد ويدخل مصر ويعتنق اهل مصر الاسلام ليسوا كلهم لكن بالتدريج اعتنقت مصر كلها تقريبا الاسلام ,اهل مصر اللى هما كانوا مسيحين اعتنقوا الاسلام ومنهم من ظل على ديانته المسيحية .






يعني بالمنطق كدا المسلمين اللى فى مصر هما اصلا اهلها اللى كانوا مسيحين من قبل واللى كانوا بدورهم وثنيين قبل المسيحية


يعني التدرج فى اعتناق الديانات من التعدد الى المسيحية الى الاسلام تدرج طبيعي , واللى مش من الطبيعي اننا نقول ان العرب اللى فتحوا مصر جابوا معهم شعب غفير يعتنق الاسلام وبدلوهم باهل مصر بل نقول ان اهل مصر دخلو فى الاسلام ومن جاء الى مصر من المسلمين الاوائل ومكثوا فيها انصهروا مع اهلها فى نسيج واحد .






يبقى نرجع للنقطة اللى عايزة اقولها ان مسلمين مصر ليسوا ضيوف عليها وانما هم اهلها من قديم الازل , بالظبط كما ان مسيحين مصر ليسوا ضيوف عليها وانما هم من اهلها من قديم الازل .






كلنا اصحاب بيت منا من اعتنق المسيحية بعد الوثنية ومنا من اعتنق الاسلام بعد المسيحية ومنا من ظل على الديانة المسيحية , ومحدش ضيف على حد

مجنونه يا طماطم

مجنووووووووونة يا طماطم







نفسي اعرف مين الرجل بعيد النظر اللى قال ان الطماطم مجنونة


واضح انه كان عنده رؤية مستقبلية للى بيحصل دلوقتي , كيلو الطماطم بسبعه جنية مصري وفى بعض المناطق بتسعه جنية مصري حد يقولى ليه ؟؟؟؟؟؟؟؟؟؟؟؟؟؟؟؟؟






هل يا تري اكتشفوا ان الطماطم بتعالج امراض العصر المزمنة , ولا بتقلل نسب الطلاق العالية .


ياتري ستعود الطماطم لعقلها وترجع لسعرها القديم ولا استحلت الجنوووووووون علينا؟






كانت معكم مواطنة مصرية مش هتاكل طماطم تاني لحد ما تعقل وتثبت صحة عقلها بشهادة من اتنين تجار من سوق العبور.






وعلى السادة المواطنين الامتناع عن عمل هذه الاطعمة:






المحشي


الفته


الكشري


طواجن الخضار


وكل الاطعمة التى تدخل الطماطم فى اعدادها


ومن يخالف سوف يتم احالته الى هيئة من اين لكم هذا " على اعتبار انه من الاثرياء اللى يقدروا يشتروا طماطم "

فكرة بنت لذينة

مرت فى بالي فكرة

خفت منها وبسرعه لغتها

لكني رجعت فكرت وفكرت

وقلت يمكن صح

لا ... لا هي عين الغلط مش الصح

وبكت عيوني من الخوف

ازاي أأمن ومن وسط الامان يجيني الخوف

سكنت جوارحي عن التفكير

وقلت لا خلاص مش هفكر ولا اتكلم

ولا حتى لغير قلبي هسلم

هحط همي فى نفسي واسلم

لكني رجعت وفكرت وقلت مش معقول فى الخوف هعيش

اجرب مرة واتنين ويمكن تغدر مرة والتانية تسلم

وفى نهاية الكلام مع نفسي نمت

استسلمت لطبيعة البشر وقلت

جنة من غير ناس ما تنداس

وعمرى ما لوحدي هقدر اعيش

لكنها فكرة بنت لذينه

ربي ما تعاود ولا تتحقق


سوسنه

اقرأ ثم افهم ثم طبق

اقرأ ثم افهم ثم طبق

كثيرا ما نسمع احاديث شريفة او نقراها ونقوم بترديدها وتطبيقها عبر الاجيال بدون ان نفهمها الفهم الصحيح والمراد منها , واري ان فهم الحديث ومعرفة سبب حدوثه وكيفية تطبيقة سوف يغير الكثير من المفاهيم الخاطئة التى نتبعها فى تقالدنا والتى  ترجع الى السنة الشريفة خاصة ان هناك تقاليد نفهم كيفية تطبيقها خطأ ونرجعها الى السنة وقد تكون من السنة فعلا لكنها تطبق بشكل يخالف السنة وهذا لانها تم فهمها خطأ من البداية .

الفهم ضروري جدا حتى نستطيع ان نسير على السنة بشكل صحيح وليس خاطئ

لا عزاء لامة اقرا

لصالح من ؟

مشكلة الكتاب الخارجي لطلبة المدارس لصالح من تحدث هذه المشكلة ؟
هل العملية التعليمية فى حاجة لعرقلة اكثر ماهي متعرقلة لكي نثير تلك المشكلة , ماهو لو كانت كتب المدارس كافية للطلبة كانوا وفروا على فنسهم شراء كتب خارجية ولو مدرس الفصل بيشرح الشرح الكافي ماكنش لجأ الطالب للدرس الخصوصي , و هذا ليس هجوما على المدرس لانه هو ايضا يحتاج الكثير من وسائل المساعدة ليخرج الشرح بالشكل الملطوب .

الكحاية يا سادة ان وزارة التربية والتعليم لدينا محتاجة معونة من الخارج , ليس معونه مالية وانما معاونة عقلية , محتاجين حد يسلفنا عقول تستطيع ان تفكر وتخطط ولديها القدردة على تنفيذ ما تخططه مش ناس ماشية بالبركة .

ما يحدث فى مجال التلعيم فى مصر يتضح منه شئ واحد فقط  اننا نسير الى قمة الجهل والتخلف بصاروخ ولا عزاء لامة اقرأ اذا كان هذا حال مؤسسات التعليم بها .

بعثرة متعثرة

 بعثرة

تعودت حينما تتشابك الاحرف بداخلي , وتتعارض الافكار والمشاعر وكل منها يريد ان يسبق الاخر للخروج ان ابعثر احرفي انثرها وهى تتشكل بطلقائية لتكون ما تريد ان تكونه , لكني الان اعجز عن بعثرة احرفي من كثرة تشابكها ولان كل حرف له الحق ان يكتب ويخرج للنور.

لكن عفوا احرفي لا استطيع اخرجك كما اريد فما علي سوى حبسك .